Paraos y Precarios de Siero y Noreña entama en Llieres un conciertu vindicando un trabayu dignu.
El colectivu de Paraos y Precarios de Siero y Noreña sigue alantre cola so actividá. Tres la primer movilización entamada va dos fines de selmana nes cais de La Pola Siero, con una marcha-manifestación que señaló a los culpables políticos y sindicales de la situación llaboral y de carencies democrátiques na zona, ye agora turnu pa un conciertu que tendrá llugar el sábadu en Llieres.
Nel mesmu va a cuntase cola participación de dos grupos: Mota Blues, tríu asturianu d'inspiración blues-rock, y N'Ochebre, grupu que mece ritmos asemeyaos col cancioneru y el raigañu asturianu. L'envís ye siguir alantre cola reivindicación principal d'esti coleutivu dende'l so reciente ñacimientu: "trabayu dignu pa toos y toes".
